Бүгүн бир топ өлкөдө жаңы жылдын алгачкы күнү катары майрамдалган, бир топ өлкөдө жаздын келген күнү деп кабыл алынган Ноорузду кубанычтуу майрамдап жатабыз. 2010-жылдан бери Бириккен Улуттар Уюму тарабынан да Нооруз майрамы катары белгиленген бул ажайып күнүбүздүн кубанычына кошулабыз жана ар бир күнүбүздүн Нооруздай жагымдуу болушун каалайбыз.
5-март -Ак калпак күнү деп 2011-жылы жарыяланган. Анын негиздөөчүсү Рысбек Жабиров. Бул күн 2016-жылдан тарта Кыргызстандын аймактарында жана чет өлкөдө мекендештерибиз тарабынан расмий түрдө белгиленип келет. Анда ак калпакчан жигиттер жөө жүрүшкө чыгып, ар кандай иш-чараларга катышат.
